Demhasaj tha se mënyra se si Qeveria ka vendosur sot pagën minimale është arbitrare, kjo për shkak se nuk është dëgjuar cili është kundërvështrimi i Këshillit Ekonomik Social.
“Mënyra se si është vendosur sot paga minimale është arbitrare, për shkak se nuk është dëgjuar cili është vendimi apo këndvështrimi i Këshillit Ekonomik Social. Ne e dimë që në shtetet Këshilli Ekonomik Social është shumë i fortë dhe i përcakton në një farë mënyrë disa politika shumë të rëndësishme, siç është tash çështja me rastin e pagës minimale, madje e dimë që Ministri i Financave ka thënë që Këshilli Ekonomik Social është ai që vendos për pagën minimale, ne jemi munduar të vendosim por skemi pasur dakordim apo kompromis për pagën minimale, prandaj nuk është vendosur”, u shpreh Demhasaj.
Sipas tij, ky vendim i Qeverisë ka anashkaluar Këshillin Ekonomik Social si dhe sindikatat që i përfaqësojnë të drejtat e punëtorëve.
“Vendosja sot në Qeveri, votimi i pagës minimale është vendim arbitrar që e anashkalon Këshillin Ekonomik Social e cila e bën të parëndësishme, jofunksional dhe në një farë mënyre i anashkalon sindikatat që i përfaqësojnë të drejtat e punëtorëve.Nëse e analizojmë në vitin 2011 është vendosur paga minimale e fundit që është 170 euro, tani në vitin 2022 do të thotë për 11 vite ne e kemi rritur pagën minimale vetëm për 80 euro, që i bie 7,2 euro për vjet. Duke u bazuar në rritjen ekonomike që ka pasur në Kosovë, por njëkohësisht çmimet aktuale që i kemi, 350 është dashur të jetë minimumi i pagës minimale”, deklaroi ai.
