Asociacioni i Gazetarëve të Kosovës u ka shpreh ngushëllime të gjithë familjarëve dhe miqve për vdekjen e gazetarit, Bajram Sefaj.
AGK në një postim në Facebook, ka shkruar se Sefaj ka qenë për shumë vite gazetar në gazetën Rilindja, si dhe ka qenë edhe shkrimtar i cili është marr me krijime letrare dhe autor i disa veprave letrare.
Sipas njoftimit të AGK-së, Sefaj ka vdekur në moshën 83-vjeçar.
“Asociacioni i Gazetarëve të Kosovës me pikëllim ka pranuar lajmin për vdekjen e gazetarit njëherësh shkrimtarit, Bajram Sefaj. Ai për shumë vite ka punuar si gazetar në gazetën Rilindja, por që ka qenë edhe korrespodent për disa media ndërkombëtare. Krahas gazetarisë, ai është marrë edhe me krijimtari letrare, dhe është autor i disa veprave letrare në tregime, prozë, poezi e publicistikë”, thuhet në njoftim./teve1.info/
