Në ditën e parë të Epopesë së Ushtrisë Çlirimtare të Kosovës, komandantja supreme mori pjesë në rreshtimin e kuadrateve të Forcës së Sigurisë së Kosovës.
Bashkë me të, ishin edhe krerë tjerë shtetërorë e përfaqësues institucionesh.
Por, një fat të tillë nuk e patën organizatat e dala nga lufta, të cilët thonë se nuk u ftuan nga institucionet në këtë organizim.
Kryetari i Shoqatës së Familjarëve të Dëshmorëve të UÇK-së, Xhavit Jashari tha për televizionin se janë të indinjuar që nuk iu është bërë ftesa në një datë kaq historike për vendin.
Televizioni ka tentuar të marrë një përgjigje nga Qeveria, por të njëjtit nuk kanë kthyer përgjigje deri në publikimin e kronikës.
Të papranueshme këto veprime nga ana e institucioneve shtetërore po i sheh edhe deputeti opozitar, Hisen Berisha.
Të ejten ka përfunduar Epopeja e UÇK-së ku për tri ditë radhazi u shënuan një sërë aktivitetesh, e që organizime të veçanta pati nga organizatat e dala nga lufta.