Zëvendësministri i Punëve të Jashtme të Kosovës, Kreshnik Ahmeti, ka kërkuar nga Tajlanda përkrahjen për Kosovën në anëtarësimin në organizata ndërkombëtare.
Ai këtë e ka bërë gjatë takimit me homologun e tij Sihasak Phuangketkeow.
“Në kuadër të bashkëpunimit bilateral u diskutua për përfundimin e një sërë marrëveshjesh, me theks në sektorët e kulturës dhe ekonomisë. Në rrafshin e koordinimit multilateral, u diskutua me palën tajlandeze për planet e Republikës së Kosovës për anëtarësim në organizata ndërkombëtare si domosdoshmëri për ushtrim të të drejtave të qytetarëve të Kosovës dhe u kërkua përkrahja Tajlandës”, thuhet në komunikatë.
Zëvendësministri Ahmeti falënderoi zëvendësministrin Phuangketkeoë për mbështetjen e vazhdueshme të Tajlandës për Kosovën.
