Sipas tij Serbia po luan me disa karta dhe se Bashkimi Evropian nuk po bën asgjë për këtë çështje.
“Për një periudhë të gjatë Bashkimi Evropian ka qenë i butë në raport me Serbinë, edhe pse Serbia nuk ka treguar se është e interesuar shumë për paqe në Ballkan. Mund ta shihni edhe tani në vitin 2022 që Serbia nuk e ka mbyllur hapësirën ajrore për Rusinë, duke refuzuar kështu të vë sanksione ndaj këtij shteti agresor. Tjetër problem është militarizimi i Serbisë, që në vazhdimësi ndihmohet nga Kina e Rusia. Ka ardhur koha që të suspendohet statusi kandidat i Serbisë për në BE derisa ky shtet nuk është në një vij me shtetet Bashkimit Evropian”, ka thënë ai.
Austriaku, ka disa fjalë për shërbimet e inteligjencës serbe, që së fundmi thuhet se e kanë kërcënuar me vdekje Dick Martyn, me qëllimin për t’ua lënë fajin kosovarëve.
“Unë nuk e di sigurt nëse është planifikuar të vritet Dick Marty, por mund të them një gjë tjetër. Shërbimet e inteligjencës serbe janë të njohura për likuidimin e njerëzve. Në të 70-tat dhe të 80-tat ishte një praktike standarde ku shqiptarët dhe kroatët vriteshin në Gjermani, Austri, e në Londër. Këto janë fakte te dokumentuara. Një investigim i thellë duhet të bëhet lidhur me kërcënimin që iu është bere Dick Marty-t”, ka thënë, Fehlinger,
Më 1 mars 2012, Serbisë iu dha statusi i kandidatit për në BE.
Kronika e realizuar nga Shpat Blakçori
