Kryeministri i Kosovës, Albin Kurti, në 26 vjetorin e varrimit të 20 civilëve të vrarë dhe të masakruar në Likoshan dhe Qirez, ka thënë se masakra në këto dy fshatra ishe e parë në mesin e shumë të tjerave që do të kryente Serbia në Kosovë.
Në këtë masakër në luftime mes forcave serbe dhe Ushtrisë Çlirimtare të Kosovës, ranë edhe katër dëshmorë, ndërsa u vranë 18 nga trupat serbe.
Ndërsa, Kurti ka folur edhe për fotografinë e Shermet Sejdiut, i cili shihet i ulur në mes të katër trupave të djemve të tij të vrarë nga forcat serbe.
“Kjo fotografi ka mbetur e fiksuar në kujtesën e gjeneratave të kohës dhe do të mbetet edhe më e fiksuar në historinë e Kosovës”, ka thënë Kurti.
Ai ka thënë se Sheremt Sejdiu është shembull se si e kaluara duhet përballuar dhe përkujtuar me dinjitet dhe krenari.
