Që nga fillimi i këtij viti në aksidente trafiku kanë humbur jetën 8 persona, e që 5 prej tyre ishin këmbësorë. Njohësit e fushës së komunikacionit mirëpresin vendosjen e radarëve statik nëpër rrugë, por që thonë se kjo nuk po bëhet qëllimshëm nga zyrtarët përgjegjës.
E hëna ishte ditë e kobshme për një 26-vjeçar në Prishtinë.
Ai u godit për vdekje nga një veturë në kryeqytet derisa ishte në trotuar.
E numri i këmbësorëve që humbën jetën në aksidente trafiku që nga fillimi i këtij viti është pesë.
“Nga 1 Janar 2024 deri me 27 Shkurt 2024 në aksidente të trafikut jetën e kanë humbur gjithsejt 8 persona, ku prej tyre 5 janë këmbësor. Gjatë vitit 2023 nga gjithsejtë 106 persona që kanë humbur jetën, prej tyre kanë qenë 30 këmbësor.”
E për parandalimin e këtyre aksidenteve, është përmendur si mundësi edhe vendosja e radarëve statik nëpër vende ku ka më së shumti aksidente.
Por, Lavdim Hamiti, doktor shkence në këtë fushë, nuk është optimist se kjo mund të realizohet, derisa tregon edhe arsyet.
Se këta radarë janë të domosdoshëm e thotë edhe profesori i kësaj lëmie, Nol Dedaj.
Edhe ky fajëson zyrtarët shtetërorë për mosveprim sa i përket kësaj çështjeje.
Sipas të dhënave nga Policia, vetëm gjatë muajit janar janë shqiptuar afër 60 mijë kundërvajtje për të gjithë shkelësit në trafikun rrugor.