Syla në emisionin “Këndi i Debatit” në Tëvë1, ka deklaruar se kryeministri Albin Kurti me vendimin e sotëm do që të blejë kohë.
“Çdo para e cila ju jepet dikujt është e mirëseardhur, mirëpo nëse i jepet vetëm për një muaj siç e përmendi Kurti, me të vërtet është një diçka e cila është vetëm me ble kohë. Kur them me ble kohë e them me bindje të plotë sepse Kurti është i vetëdijshëm dhe kabineti i tij që do të ballafaqohen me kriza sociale dhe me reagime sindikaliste, siç është SBASHK-u dhe me siguri do t’i bashkëngjiten edhe të tjerë”, ka thënë ai.
Ai thotë se janë dy elemente të cilat e kanë shtyer Kurtin të marrë këtë vendim, e ku përmendi Trustin e që tha se Qeveria nuk është e aftë të debatojë e as të tregojë se çfarë mendon sa i përket tërheqjes.
“Janë dy elemente kruciale ndoshta pse e kanë shtyer Kurtin. E dini se është duke u diskutuar me të madhe tërheqja e trustit, për të cilën qeveria as nuk është e aftë të debatojë e as të tregojë se çfarë mendon. Duhet të marrin përgjegjësi edhe për humbjet e parave të tona që po bëhen në trust. Shteti është një diçka shumë më e madhe sesa dëshira e dikujt për të qenë ministër. Dhe e dyta kjo ndarja nga 100 euro. Nëse kishin thënë që po ia krejt popullatës për kokë banori po ia ndajnë nga 100 euro do ishin pak si më okej. Megjithatë, në e shoh blerje e kohës nga ana e qeverisë”, tha Syla.
Ai thotë se nuk është keq që janë ndarë 100 euro, teksa ka një pyetje për Kurtin se mbas një muaji a do të zbresin çmimet që kanë qenë para një muaji.
“Një tendencë që të shtyhet problemi. Nuk është keq që janë ndarë nga 100 euro, mirëpo të thuash që për një muaj po i japim unë dua të pyes Kurtin se mas një muaj a do të zbresin çmimet që kanë qenë para një muaji”, deklaroi Syla. /teve1.info/
