Kryeministri i Kosovës, Albin Kurti, ka thënë se është obligim vënia e drejtësisë për viktimat e gjenocidit të Serbisë në Kosovë.
Kurti në kujtim të masakrës së parë të kryer nga forcat serbe në Kosovë, në Likoshan dhe Qirez, ka thënë se edhe pse kanë kaluar 26 vjet ka thënë se ata që dhanë urdhër dhe kryen këtë masakër ende janë të lirë.
“26 vjet më vonë, as urdhërdhënësit e as ekzekutorët e masakrës së Likoshanit dhe Qirezit nuk janë dënuar. Drejtësia për të gjitha viktimat e gjenocidit të Serbisë në Kosovë është obligim i yni. Kujtimi ynë për ta është i përjetshëm. Flijimi i tyre është i monumentalizuar si sakrificë në themelet e Republikës së Kosovës, shtetit tonë që duhet dhe që po përpiqemi ta bëjmë çdo ditë e më të fortë. Lavdi dëshmorëve dhe martirëve të Likoshanit e Qirezit!”, ka shkruar Kurti.
