Për herë të parë po takojnë të birin e komandantit Nazmi Ajetit.
E pas kaq kohësh, përkujtimi për udhëheqësin e ndjerë i bëri bashkë ish ushtarët e zonës së Llapit e të Karadakut.
Shumë prej tyre madje u panë për herë të parë pas 25 vitesh.
Prandaj edhe emocionet nuk mund t’i fshehin dot.
Me krenari, ndihmës komandanti, Shaban Kurtolli kujton momentin kur në udhëtimin e parë për Shqipëri, për t’u furnizuar me armatim, Nazmi Ajeti ua kishte shpëtuar jetën.
“Na e kishim hupë rrugën nëpër Pashtrik…”.
Por, raste kur Komandanti i ndjerë, Nazmi Ajeti ua kishte shpëtuar jetën ushtarëve ka plot.
Shokët e kujtojnë edhe krismën e armës së komandantit të tyre dhe aftësinë e Ajetit për të përdorur snajperin.
Vetitë që e dallonin nga të tjerët, Nazmi Ajeti i kishte pasur prej fëmije.
Ndërsa në luftën për çlirimin e atdheut, këta ish ushtarë ishin strehuar e ushqyer në shtëpinë e Ruzhdi Kryeziut në Pagarushë.
Ky i fundit madje kujton çastin kur thirrja për ushqim ishte alarmante.
E në fund, për ish ushtarët u shpërndanë mirënjohje për kontributin e dhënë gjatë luftës në Kosovë.
