Pas një bashkëpunimi të ngushtë të institucioneve të sigurisë, është kapur hajni që kishte vjedhur në shtëpinë e zyrtarit të AKI-së.
Lajmi është konfirmuar për teve1.info nga zëdhënësi i policisë për Rajonin e Prizrenit, Shaqir Bytyqi, i cili tha se disa nga gjërat janë gjetur, ndërsa arma është duke u kërkuar ende.
Tutje, ai tha se më urdhër të prokurorit, i dyshuari është ndaluar për 48 orë.
“Pas veprimeve hetimore policia ka arritur që të identifikojë dhe të arrestojë personin që ka vjedhur në shtëpinë e zyrtarit të AKI-së. I njëjti gjatë intervistimit ka pranuar veprën penale dhe me urdhër të prokurorit është ndaluar për 48 orë. Disa nga gjërat janë gjetur, ndërsa arma është duke u kërkuar ende nga hetuesit”.
Bytyqi tha se motivi është për përfitime personale.
Sot u raportua në media se, dje pasdite në Prizren, një hajn kishte hyrë në shtëpinë e një zyrtari të AKI-së, me ç’rast ia kishte vjedhur çantën e dorës, në të cilën gjendej arma dhe ID e tij./teve1.info
