Sipas njoftimit ë policisë, si pasojë e aksidentit këmbësori ka pësuar lëndime trupore dhe është dërguar Qendrën Emergjente në Spitalin Rajonal të Prizrenit, shkruan tevve1.info.
Në rrugën Prizren-Suharekë, përballë një qendre tregtare në fshatin Lutogllavë të Prizrenit, vozitësi NN, i cili ishte duke e drejtuar automjetin e tij me traga NN, e duke lëvizur prapa në rrugën ‘Pranvera 81”, si pasojë e vozitjes së pakujdesshme me pjesën e pasme të automjetit e godet këmbësorin i cili në ato momente ishte duke kaluar rrugën nga krahu i majtë i lëvizjes së automjetit. Si pasojë e aksidentit këmbësori pëson lëndime trupore dhe dërgohet në Qendrën Emergjente në Spitalin Rajonal të Prizrenit. Vozitësi nuk u ndal në vendin e ngjarjes dhe u largua në drejtim të fshatit Korishë”, thuhet në njoftimin e policisë.
Si pasojë e lëndimeve të marra, këmbësori i lënduar pas marrjes së ndihmës mjekësore në Qendrën Emergjente në Prizren për shkak të lëndimeve të rënda është transferuar në QKUK në Prishtinë.
Në njoftimin e policisë thuhet se pas intervenimit të menjëhershëm të hetuesve të Njësisë së Komunikacionit Rrugor në Prizren është bërë identifikimi i automjetit dhe personit të dyshuar icili me urdhër të prokurorit është ndaluar për 48 orë
“Nga reagimi i menjëhershëm i hetuesve të Njësisë së Komunikacionit Rrugor në Prizren u bë verifikimi i automjetit dhe personit dhe të dyshuar SH.H., i lindur në vitin 2001 m/sh/k. I dyshuari u intervistua për shkaktimin e aksidentit me lëndime të rënda trupore dhe ikje nga vendi i ngjarjes. Në lidhje me rastin është informuar prokurori i Shtetit i cili urdhëroi që i dyshuari të ndalohet për 48 orë. Rastin është duke u hetuar”, thuhet më tej në njoftim.
