Është arrestuar qytetari që dyshohet se ia ka dhënë 1 mijë euro ryshferi zyrtarit policor në Gjakovë për të plotësuar dy vendime për kundërvajtje duke përdorur të dhëna të pasaktë të qytetarëve.
Të dyshuarit i është caktuar masa e ndalimit për 48 orë.
“Inspektorati Policor i Kosovës respektivisht hetuesit e Departamentit të Hetimeve si vazhdimësi e veprimeve hetimore kanë arrestuar sot edhe qytetarin e përfshirë në këtë rast me dyshimin se i njëjti ka kryer veprën penale “Dhënia e ryshfetit”. Veprimet hetimore janë ndërmarrë në koordinim me Prokurorinë Themelore në Gjakovë kurse të dyshuarit i caktuar masa e ndalimit për 48 orë “, thuhet në njoftim.
Tutje thuhet se hetuesit e IPK-së në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast.