Autoritetet austriake po hetojnë vrasjet e katër grave dhe një 13-vjeçareje në Vjenë, tri prej të cilave u gjetën të therura në një shtëpi publike.
Trupat e tri grave të reja u gjetën me plagë thike në shtëpinë publike të premten në mbrëmje dhe dëshmitari që i gjeti telefonoi policinë.
Një 27-vjeçar me thikën që besohet të ketë qenë arma e vrasjeve u arrestua lidhur me to, raportoi Guardian.
Nuk u dha shkak për vrasjet, ndërsa i dyshuari është marrë në pyetje.
Në një rast tjetër nga këto, një grua dhe vajza e saj 13 vjeçe u gjetën të vdekura në një apartament në kryeqytet.
Ato raportohet se janë ngulfatur për vdekje, me babanë si i dyshuar kryesor.
Mes viteve 2010 dhe 2020, 319 gra u vranë në Austri, shumica nga partnerët ose ish-partnerët burra, me një rekord prej 43 viktimash në vitin 2019.
© 2024 Tëvë1 - Te gjitha te drejtat e rezervuara