Në reagimin e kësaj organizate akuzohet qeveria aktuale e cila sipas tyre nuk po u del në ndihmë grave, shkruan teve1.info.
“Nga masat e reja në kuadër të Pakos së Ringjalljes Ekonomike të publikuara sot nga Qeveria e Kosovës do të përfitojnë vetëm të punësuarit, studentët, pensionistët, familjet në nevojë etj. Këto pagesa, që edhe ashtu më shumë duken një lëmoshë një mujore se sa zgjidhje afatgjate e problemit, nuk do të jepen për vajzat dhe gratë që nuk janë studente, të punësuara apo pensionere. Vetëm rreth 15% e grave në Kosovë janë të punësuara dhe shumica e tyre janë komplet të përjashtuara nga tregu i punës”, thuhet në reagim.
Ndër të tjera OJQ “Çikat” ka ftuar institucionet e vendit që urgjentisht të trajtojnë varfërinë e grave dhe të përfshijnë analizën gjinore në secilën politikë që prodhojnë.
“Nuk është hera e parë që në kohë krizash gratë janë ato që vuajnë më së shumti nga varfëria dhe mungesa e qasjes në të mirat publike. Nuk ka dalje nga kriza, pa dalë GRATË nga kriza. QIKA fton institucionet e vendit që urgjentisht të trajtojnë varfërinë e grave dhe të përfshijnë analizën gjinore në secilën politikë që prodhojnë”, thuhet më tej në postimin e organizatës në Facebook./Teve1.info.
