Nën kërcënimin e armës se ftohtë, një person ka grabitur një barnatore në lagjen “Ulpiana” në Prishtinë.
Këtë për teve1.info, e konfirmoi Zëdhënësja e Policisë për Rajonin e Prishtinës, Flora Ahmeti, teksa bëri të ditur se janë grabitur barna dhe shiringa në vlerë rreth 800 euro.
“Sot rreth orës 09:40 është raportuar për një grabitje të ndodhur në një barnatore në lagjen Ulpiana në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se një personi i dyshuar nën kërcënim të armës së ftohtë ka grabitur sasi të barnave dhe shiringave (në vlerë rreth 800 euro)”, thuhet në përgjigjen e Ahmetit.
Po ashtu, Ahmeti njoftoi se Policia ka nisur me ndërmarrjen e veprimeve të nevojshme policore për zbardhjen e rrethanave të rastit si dhe identifikimin e arrestimin e personit të dyshuar.