Qendra Klinike Universitare e Kosovës, në lidhje me trajtimin mjekësor të 4 vjeçares nga Gjakova, ka dalë me një sqarim, duke njoftuar se e njëjta ka kërkuar ndihmë mjekësore, rreth orës 15:00, të datës 17 shkurt 2024, në Qendrën Emergjente të Qendrës Klinike Universitare të Kosovës.
Sipas njoftimit nga ShSKUK-ja, 4 vjeçares i janë bërë të gjitha analizat laboratorike dhe ato dignostike, e më pas është vendosë në Repartin Intensiv me diagnozë të punës Sepsë.
“Pacientja sjellët nga Spitali i Gjakovës, si rast i intubuar për në Qendrën Emergjente të QKUK-së, me parametra vital dhe me gjendje mjaftë të rënduar shëndetësore. Në Qendrën Emergjente të QKUK-së, kryhen të gjitha analizat laboratorike dhe ato diganostike – radiologjike, thirrën në konsultë edhe mjekët e lëmenjve përkatëse. Pas të gjitha konsultave, vendoset për trajtim të mëtejmë në Repartin Intensiv në Klinikën e Pediatrisë, me diagnozë të punës Sepsë ( infeksion akut i rëndë i shkallës se lartë)”, thuhet në njoftim.
Më tej, theksohet se përkundër të gjitha masave reanimatore të ekipeve të mjekëve të Klinikës së Pediatrisë, për shkak të gjendjes së rënduar shëndetësore, 4 vjeçarja ka ndërruar jetë me datë 19 shkurt 2024.
Derisa thuhet se ShSKUK, ka kërkuar raporte të detajuara nga Spitali Përgjithshëm në Gjakovë dhe nga QKUK dhe të njëjtat do t’i shqyrtojë.
“ShSKUK, apelon që në publik, mos të spekulohet në lidhje me shkaqet e vdekjes së pacientes, deri në rezultatet e hetuesisë, të cilat do të merren parasysh edhe nga ShSKUK për veprime të mëtejme”, thuhet tutje.
Kujtojmë që 4 vjeçarja nga Gjakova ka vdekur gjatë së hënës në Qendrën Klinike Universitare të Kosovës.
Policia për teve1.info kishte konfirmuar se vajza ishte transferuar në QKUK nga Spitali i Gjakovës pas rëndimit të gjendjes së saj shëndetësore.
E gjatë ditës së djeshme në mediu u raportua se e njëjta ishte rrahur fillimisht nga dy fëmijë të tjerë.
Lidhur me këtë çështja ka pasur reagime të shumta./teve1.info./
