Policia e Kosovës ka njoftuar se gjatë implementimit të planit operativ “Rregullimi i komunikacionit dhe parandalimi i garave ilegale”, me datën 18 shkurt në Pejë ka zënë në flagrancë dy vetura duke bërë gara ilegale.
Sipas njoftimit, vozitësve u është shqiptuar gjoba në një shumë prej 500 euro dhe pesë pikë negative.
“Në rrugën Agim B. Qelaj në Pejë, vozitje 132 Km në zonën ku shpejtësia është e kufizuar 40 Km. vozitësit i është shqiptuar gjoba në shumë prej 500 Euro pesë pike negative.
Në rrugën Agim B. Qelaj në Pejë, vozitje 111 Km në zonën ku shpejtësia është e kufizuar 40 Km. vozitësit i është shqiptuar gjoba në shumë prej 500 Euro pesë pike negative”, thuhet në njoftim.
Ndërsa, në magjistralen Pejë-Deçan-Gjakovë në dy raste, vozitësit të cilët kanë bërë tejkalim të rrezikshëm, duke rrezikuar trafikun rrugor, u është shqiptuar gjoba në shumë prej 150 euro dhe një pikë negative.
“Në magjistralen Pejë-Deçan-Gjakovë, në fsh. Rastavicë në dy raste vozitësve të cilët kanë bërë tejkalim të rrezikshëm, duke Rrezikuar trafikun rrugor. Në të dy rastet vozitësve u është shqiptuar gjoba në shumë prej 150 Euro dhe një pikë negative”, thuhet në njoftim./teve1.info/