Atletico Madrid nesër e presin në Wanda Metropolitano skuadrën e Manchester Cityt në ndeshjen e kthimit çerekfinale në kuadër të Ligës së Kampionëve.
Një ditë para kësaj ndeshje, Los Colchoneros kanë marrë një dënim nga UEFA. Atletico nuk do të mund ta përdor një pjesë të stadiumit, pasi që në ndeshjen e parë tifozët e tyre thirrën kore naziste, ndeshje që madrilenët e humbën 1-0.
ADVERTISEMENT
Wanda Metropolitano ka një kapacitet prej 68 mijë ulësesh, u ndëshkua duke mbyllur tribunën prej 5 mijë vendesh.
Gjithashtu, klubi duhet të vendosë një pankartë në pjesën e përmendur të stadiumit me mbishkrimin: “Jo racizmit”.
Atletico ka thënë se do të ndëshkojë tifozët që përdorën përshëndetje të ndaluara.
