Ministrja e Jashtme, Donika Gërvalla-Schwarz, ka reaguar pas raportimeve se ka kërkuar largimin e ambasadorit gjerman, Jorn Rohde.
Gërvalla ka thënë se një gjë e tillë s’është e vërtetë dhe e ka cilësuar si absurde, derisa tha se kjo është në vazhdën e fushatave dhe sulmeve të përditshme ndaj saj dhe ministrisë që drejton.
“Pretendimi që kinse paskam kërkuar largimin e ambasadorit gjerman Rohde është sa i pavërtetë, aq edhe absurd. Është në vazhdën e fushatave dhe sulmeve të përditshme ndaj meje dhe institucionit që drejtoj.
Nuk duhet të befasohemi kur të lexojmë që kam kërkuar edhe shkarkimin e Kancelarit Scholz dhe Ministres së Jashtme Baerbock. Marrëzia nuk paska fund!”, ka shkruar ajo në Facebook.