Kryeministri i Kosovës, Albin Kurti ka marr pjesë në vënien e gurthemelit të fabrikës së prodhimit të dyerve dhe dritareve në Vërbicë të Kmetocit në Gjilan.
Kurti tha se kjo fabrikë do të mundësojë të punësohen fillimisht 50 punëtorë, pastaj deri në 150.
“Me investitorin, Arsim Hashanin, i cili po kthehet në vendlindjen e tij pas 22-vjetëve që të investojë në një fabrikë, e cila do të bëjë prodhime të dyerve dhe dritareve, të roletave… Do të punësojë fillimisht 50 punëtorë e më pastaj do t`i punëson deri në 150 punëtorë. Madje edhe 95% e prodhimit do të jenë për eksport dhe siç na është shpjeguar edhe nga arkitekti do të jenë kushtet e mira të punëtorëve për shkak se do të ketë edhe ndriçim zenital, pra jo vetëm nga anash por edhe nga kulmi,nga sipër”, tha Kurti, raporton teve1.info
Ai po ashtu shtoi se do të jenë 95% e prodhimit eksport dhe do të ketë ndriçim zenital.
Kurti u shpreh se është shembull për investitorin Arsim Hashanin, i cili në moshën 14-vjeçare ka shkuar në mërgim dhe pas 42-vjetëve është kthyer në vendlindje me tre fëmijë dhe si investitor.
Ai gjithashtu tha se Hashani do t`a ketë mbështetjen e institucioneve të Kosovës dhe i ka dëshiruar suksese.
“Është shembull i një bashkë atdhetari tonë, i cili në moshën 14-vjeçare shkon në mërgim dhe pas 22-vjetëve kthehet në vendlindje me tre fëmijë dhe si investitor, i cili do të ketë 150 punëtorë. I dëshiroj shume suksese dhe natyrisht që do të ketë mbështetjen e institucioneve tona sepse ekonomia e vendit sa më shumë që zhvillohet aq më e lartë është punësimi, eksporti, kontributi mbi këtë dhe zvogëlimi i mbështetjes sociale që ka nevojë t`ua bëjë shteti qytetarëve, sa më shumë punësim andaj investimet e tilla e rrisin shpresën dhe na e shtojnë zellin për punë të mbara dhe të ardhmen andaj iu përgëzoj për vlerësim”, shtoi Kurti./teve1.info/
