Për shërbime më të mira mjekësore në Ferizaj është duke u ndërtuar një objekti i ri.
Në atë spital pritet të marrin trajtim shëndetësorë pacientë nga Ferizaj, Shtimja, Vitia e qytetet tjera përrreth.
Derisa hapësira e kushtet infrastrukturore pritet të përmirësohen, sipas ushtruesit të detyrës se drejtorit sfidë për ta pritet të jetë numri i vogël i doktorëve të cilët janë të angazhuar në Spitalin e Ferizajt.
Largimi i mjekëve e mosha e shtyrë e mjekëve të punësuar është shqetësuese për menaxhmentin e këtij spitali.
E jo vetëm në Ferizaj, sipas Odës së Mjekëve të Kosovës, largimi i mjekëve e mosha e shtyrë e mantelbardhëve do të rrezikojnë sistemin shëndetësor në Kosovë, raporton Tëvë1.
Vetëm brenda më pak se dy muajve nga Kosova janë larguar 20 mjekë.
Nga Oda e Mjekëve të Kosovës, thonë që kohëve të fundit është rritur edhe numri i mjekëve që kalojnë nga sektori publik në atë privat për shkak të kushteve më të mira.
