Ngjyra kaltër e verdhë, po dominon në sheshet e kryeqytetit. E me këto ngjyra të flamurit të Republikës së Kosovës, në shtunën pritet të shënohet 16 vjetori i Pavarësisë së Kosovës.
Mirëpo, në këtë përvjetor nuk do të ketë parakalim të Forcës së Sigurisë së Kosovës dhe Policisë.
Tomorr Avdia tregon se si është e rregulluar kjo me protokoll shtetëror.
Avdia tregon se shkeljet e protokollit lidhën me homazhet e tre krerëve shtetëror gjatë këtyre festave shtetërore.
E përveç shesheve të kryeqytetit, përgatitjet e fundit janë edhe te ngjyrosja e monumentit historik “Newborn”.
Tashmë të rinjtë, po i ngjyrosin detajet e fundit të shkronjave në qytet.
Autori i këtij monumenti, Fisnik Ismaili tregon mesazhin që përcjell kjo logo në këtë vit.
Ismaili thotë se secili mesazh gjatë këtyre viteve e ka pas rëndësinë e vetë.
Gjatë së shtunës, nga ora 08:00 e mëngjesit pritet të fillojë mbledhja festive e Qeverisë, për të vazhduar me ngritjen e flamurit, nderime te monumentet historike dhe homazhe në varrezat e ish-Presidentit, Ibrahim Rugova, homazhe te varri i Adem Demaçit, tek familja Jashari në Prekaz e deri te koncertet solemne të Filarmonisë së Kosovës.