Trajneri Mauricio Pochettino nuk e ka aspak të sigurt punën e tij te skuadra e Chelseat.
Mediumet angleze kanë njoftuar të hënën se Pochettino është pranë shkarkimit nga posti i trajnerit te Chelsea.
Humbja 4:2 nga Wolverhamptoni vikendin e fundit, ka bërë që drejtuesit e klubit nga Londra të mendojnë për shkarkimin e Pochettinos.
Mësohet se te Chelsea nuk janë aspak të kënaqur me rezultatet këtë edicion dhe vendimi për të ardhmen e Pochettinos pritet të merret gjatë kësaj jave. Pochettino mori drejtimin e Chelseat para fillimit të këtij edicioni dhe me ekipin anglez ka kontratë deri në verën e vitit të ardhshëm.