Zëvendësministri i Infrastrukturës, Hysen Durmishi ka dalë me një sqarim sa i përket rastit të njohur si “53 milionëshi”, për të cilin dje Gjykata Themelore në Prishtinë e dënoi me 3 vjet e tetë muaj burgim ish-ministrin e Infrastrukturës, Pal Lekaj.
Ish-ministri nga radhët e AAK-së u dënua për rastin e ndarjes së 53 milionë eurove shtesë për konsorciumin “Bechtel-Enka” për ndërtimin e autostradës “Arbër Xhaferi”.
Megjithatë, Hyseni ka thënë se në këtë rast nuk bëhet fjalë për 53 milionë, por për 97 milionë euro.
“Përveç 53 milionë euro Bechtel Enka është paguar edhe me një shumë tjetër në vlerë 44 milionë euro. Edhe pse kontrata ka qenë “llamsam” (me çelësa në dorë) dhe me këtë lloj kontrate nuk lejohen punët shtesë, pa asnjë procedurë të prokurimit Bechtel Enka-s i janë paguar edhe 44 milionë euro shtesë”, ka shkruar Hyseni në rrjetin social Facebook.
Përveç Pal Lejakt nga gjykata janë dënuar edhe ish-sekretari i ministrisë Nebih Shatri, me një vit e tetë muaj burgim, drejtori i prokurimit Besim Tahiri me një vit e tetë muaj burgim dhe këshilltari Eset Berisha me 3 vjet e tre muaj burgim.