U themelua në vitin 2015 nga deputetët e Kuvendit të Kosovës. Por gjenezën, Gjykata Speciale e ka tek Këshilli i Evropës, nga një raport i ish raportuesit special, Dick Marty, i bazuar në librin e ish-kryeprokurores së Tribunalit të Hagës, Carla del Ponte, ku pretendohej se ushtarë të UÇK-së, rrëmbyen, transferuan dhe u hoqën organet civilëve serbë në Shqipëri.
Por këto pretendime nuk janë të shprehura në asnjë prej katër çështjeve gjyqësore në Hagë.
Kjo shtuar edhe përjashtimin e Rusisë nga ky Këshill shkaku i luftës së nisur në Ukrainë, konsiderohen si momentum që duhet shfrytëzuar për të kërkuar zhbërjen e Gjykatës Speciale.
Rreth kësaj mundësie nuk dhanë detaje nga Këshilli i Evropës.
“Ne nuk komentojmë mbi këtë çështje”, thonë nga Këshilli i Evropës.
E nga zyra e kryeministrit, refuzuan të përgjigjen nëse pas ndryshimit të situatës gjeo politike, do të kërkojnë zhbërjen e Speciales.
Kronika e realizuar nga gazetarja Florijeta Dernjani.
