Pllaka me logo të Serbisë e cila ka qenë e vendosur në Qendrën për Pune Sociale ne Lagjen e Boshnjakeve ne veri te Mitrovicës, është larguar të mërkurën.
Në vend të saj është vendosur ajo e Republikës së Kosovës.
Këtë për Tëvë 1 e ka konfirmuar Kryesuesi i Kuvendit Komunal, Nexhat Ugljanin, i cili tha se në këtë qendër ofrohet shërbime për të gjithë qytetarët e Kosovës.
“Sot është larguar, është vendosur kjo me logo te Republikës së Kosovës, aty kryhen shërbime për qytetarë të Kosovës, të të gjitha komuniteteve”, ka thënë ai.
Në institucionet publike në komunë por edhe në tri tjera të banuara me shumicë serbe në veri të Kosovës, flamuri serb ka qenë i vendosur.
Këto janë zëvendësuar me flamuj e simbole të Kosovës, pas zgjedhjeve lokale në prillin e vitit të kaluar, ku kandidatët shqiptarë fituan në këto komuna. Serbët lokal kishin bojkotuar procesin zgjedhor
