Shefi i Zyrës së Bashkimit Evropian në Kosovë, Tomas Szunyog, ka vizituar sot Gjykatën Kushtetuese.
Në rrjetin social “X”, Szunyog ka bërë të ditur se ka kërkuar të zbatohet aktvendimi i kësaj gjykate për Manastirin e Deçanit, raporton teve1.info.
Ndërkaq, gjatë vizitës atje, Szunyog ka takuar kryetaren e kësaj gjykate, Gresa Caka-Nimani.
“Theksoi se Gjykata duhet të jetë e pavarur dhe e lirë nga ndikimi dhe presioni politik. Për të ruajtur pavarësinë e gjyqësorit, është thelbësore që anëtarët e qeverisë të përmbahen nga deklaratat që rrezikojnë të cenojnë autoritetin dhe pavarësinë e gjyqësorit, si dhe besimin e publikut në të. Vendimet e Gjykatës Kushtetuese të respektohen dhe zbatohen plotësisht, përfshirë edhe aktgjykimin e datës 19 maj 2016 për çështjen e Manastirit të Deçanit”, thuhet në postimin e Szunyog./teve1.info/.
Met the President of #Kosovo's Constitutional Court together with @EulexHoM, @schnetzergeorg, @68nicotina & @cyprienfrancois. Highlighted that the Court must be independent and free from political influence and pressure (1/3). pic.twitter.com/AIrXuo1bLF
— Ambassador Tomáš Szunyog (@EUAmbKS) January 23, 2024
