Pep Guardiola përfundon kontratën e tij me Manchester Cityn në fund të sezonit të ardhshëm, por, në një konferencë për shtyp, ai e bëri të qartë se është në dispozicion për të qëndruar tek skuadra angleze për shumë më gjatë.
Trajneri katalanas, 51 vjeç, është lidhur me disa skuadra, mes tyre edhe me kombëtaren braziliane, por, në prag të përballjes së shumëpritur me Liverpool-in, ai siguroi që të ardhmen e sheh vetëm tek Manchester City.
“Jam shumë i lumtur në këtë klub. Unë jam i gatshëm të qëndroj këtu përgjithmonë, sepse nuk ka vend më të mirë për të qenë. Për mua do të rinovohej edhe për 10 vite të tjera, ndonëse kjo në kontekstin aktual të futbollit botëror nuk është e mundur…”, ka thënë ai, cituar nga gazeta The Sun.
Pep po lufton në dy ‘fronte’ këtë sezon, Ligën e Kampionëve dhe Premier Ligën angleze.
