Ajo në Facebook ka shkruar se sot kujtojmë sakrificën e gjatë të popullit të Kosovës për jetësimin e ëndrrës për të jetuar të lirë.
Osmani ka shtuar se sot, por dhe çdo ditë duhet të sillemi ashtu siç shkruhet në Kushtetutën e Kosovës: “ta ruajmë dhe mbrojmë sovranitetin, i cili buron nga populli dhe i takon popullit.”
“Sot në Ditën e Kushtetutës, kujtojmë sakrificën e gjatë e të dhimbshme të popullit tonë, në mënyrë që një ditë, në kushtetutën e vendit tonë, të jetësohet ëndrra për të jetuar të lirë. Në përvjetorin e Kushtetutës, sikurse edhe çdo ditë tjetër, duhet veprojmë, të sillemi e të ecim, siç thuhet në aktin më të lartë juridik: ta ruajmë dhe mbrojmë sovranitetin, i cili buron nga populli dhe i takon popullit. Urime Dita e Kushtetutës!”, shkruan Osmani në Facebook.
