Me këtë rast, Mehaj ka shprehur gatishmërinë e tij për ta përkrahur komunitetin rom në procesin e integrimit dhe rekrutimit për FSK.
“Në takim me deputetin e Kuvendit, z.Erxhan Galushi dhe përfaqësuesit tjerë të komunitetit rom, ministri Mehaj ka uruar të gjithë qytetarët e komunitetit rom të Republikës së Kosovës. Me këtë rast, ai ka shprehur gatishmërinë e tij për të përkrahur këtë komunitet në procesin e integrimit dhe rekrutimit për FSK”, thuhet në postimin e Ministrisë së Mbrojtjes në Facebook.
Tutje theksohet se ministri Mehaj ka ripërsëritur se përkrahje do të gëzojnë të gjithë pjesëtarët e komuniteteve tjera jo shumicë në vend.
“FSK është ushtri profesionale dhe multietnike në shërbim të të gjithë qytetarëve të saj pa dallim”, thuhet në postim. /Teve1.info/
