Sipas Muhaxhirit, elementi i parë i faktorit politik në Luginë edhe mungesa e unitetit, ku më pas ekziston edhe ideja e përqarjes e cila i dëmton të gjitha palët shqiptare.
“Janë dy elemente, elementi i parë është uniteti i faktorit politik në Luginë, pra kjo çfarë ndodhë në Luginë, ndodh për shkak të mungesës së unitetit, kjo ndodh edhe në Mal të Zi, prandaj kjo është e pakuptueshme, mund të themi që ekziston ideja që përqarja i dëmton të gjitha palët shqiptare, dhe fiton një palë e tretë, në Serbi fiton Serbia, në Mal të zi fiton Mali i Zi, ndërsa humbin shqiptarët. Kjo është duke ndodhur me dekada, do të thotë që ekziston një defekt sa i përket konceptimit edhe të lidershipit, sepse nëse liderët janë përqarë, natyrisht që pastaj përqarja reflektohet edhe elektorat”, u shpreh Muhaxhiri.
Tutje, ai tha se ne edhe kur kemi fakte konkrete nuk e ngrisim zërin, në krahasim me Serbinë e cila shpesh herë ngrit çështje të cilat janë të trilluara dhe më pas i faktorizon ato.
“Ne kemi rastin ku kemi liderë që janë me nga 20 vite edhe e dominojnë skenën, Serbia ngrit edhe çështje të cilat shpesh janë të trilluara dhe i faktorizon ato, ndërsa ne edhe kur kemi fakte konkrete nuk e ngrisim zërin. Ndërsa sa i përket adresave, kjo duhet të bëhet në konsistencë, pra duhet edhe Këshilli i Sigurimit edhe në OSBE, sepse edhe OSBE-ja ka ndikim në Luginë, edhe në Këshillin e Evropës edhe në të gjitha instancat, pra pa konsistencë dhe pa fotografi kjo nuk bëhet, përmendet si një temë pastaj harrohet pas dy tre muajve, pra kjo është mungesa e konsistencës”, shtoi ai.
