I ftuar në emisionin“Këndi i Debatit” me Dukagjin Maliqin, Avdia tha se moslejimi i pjesëmarrjes në votime në zgjedhjet e Serbisë me 3 prill për qytetarët e Luginë së Preshevës është një çështje e rëndë dhe diskriminuese.
“Janë 6 mijë adresa apo qytetarë të pasivizuar në Preshevë prandaj kjo çështje duhet të ngritët dhe është detyrë zyrtare e Republikës së Shqipërisë për faktin që, në bazë të ligjeve të Kushtetutës është autoritet që duhet ta mbështes këtë, kjo nuk e përjashton as Prishtinën por kjo duhet të bëhet në Këshillin e Sigurimit. Shqipëria si anëtare e Këshillit të Sigurimit për dy vjet duhet që .., kjo çështje në qoftë se kishte ndodhë me qytetarët e Serbisë a Këshilli i Sigurimit ishte mbledhur diku 10 herë për Serbinë, këtë duhet ta bëjnë sa më shpejtë pasi që e ka të drejtën e thirrjes…Është atribut i drejtpërdrejtë i demokracisë dhe është detyrë kryesore e diplomacisë që ta ngrejë këtë çështje pasi që kjo është një çështje e rëndë, diskriminuese, mos lejimi i pjesëmarrjes në votime dhe shpopullzimi i qetë i asaj zone, kjo në qoftë se alarmohet atje është e drejtë dhe këtë çështje nuk mund ta bëjë shteti i Kosovës dhe as diplomacia e Kosovës për shumë arsye të cilat dihen. Duhet automatikisht të ngritët padi nda Serbisë në Këshillin e Evropës për këtë çështje dhe këtë mund ta bëjë Republika e Shqipërisë pasi është autoritet që mund ta bëjë këtë fakt”, ka thënë Avdia.
Analisti Tomor Avdia sonte në Tëvë1 më tej ka shtuar se “ketë çështje duhet ta realizojnë dhe kjo është ndihma që jepet në këtë rast, ju jepet atyre qytetarëve por Lugina dhe politika aty duhet të gjejnë një korehenc besimi tek njëri tjetri për faktin se shpërndarja e mosbesimit tek politika e Luginës është një çështje që i dëmton ata vazhdimisht gjatë procesit të votimit dhe më tutje”
