Pakënaqësitë e tyre, i kishin shprehur në formë proteste.
Madje, duke dalur dy herë brenda vitit të kaluar para objektit të Qeverisë.
Pjesëtarët e Policisë kishin kërkuar plotësimin e disa kërkesave të tyre.
E si rezultat i mosreflektimit nga institucionet, kishte edhe shumë dorëheqje nga Policia e Kosovës.
Latif Hyseni që kishte shërbyer në këtë institucion për 24 vite, tregon se vitin e kaluar dha dorëheqje nga ky profesion e që vendimi nuk ishte i lehtë.
Hyseni i cili ishte toger me pozitë, thotë se përpos faktorit ekonomik, shkak për dorëheqje ka qenë edhe rrugëtimi professional që thotë se tash e bën si avokat.
Ai thotë se kërkesat e ish-kolegëve të tij janë të arsyeshme, andaj kërkon nga institucionet të ketë reflektim ndaj kërkesave të tyre.
E kryetari i Sindikatës së Policisë, Imer Zeqiri tregon se vitin e kaluar kanë qenë rreth 100 dorëheqje nga ky institucion e që thotë se shumica prej tyre janë me përvojë mbi 10-vjeçare.
Teksa shtoi se ka indicie që edhe liberalizimi i vizave të jetë një shkak që të ketë dorëheqje tjera nga kjo organizatë e sigurisë.
Viti i kaluar u karakterizua me një sërë pakënaqësisht të shprehura nga pjesëtarët e Policisë për shkak të Ligjit të ri të pagave, ku u janë hequr disa benefite.
