Një person ka pësuar lëndime trupore, pasi gjatë lëvizjes me biçikletë është goditur nga një veturë.
Sipas Policisë së Kosovës rasti ka ndodhur në fshatin Gllamnik të Podujevës.
Flora Ahmeti zëdhënëse e PK-së për rajonin e Prishtinës, tha për Tëvë 1 personi i lënduar është dërguar për tretman mjekësor.
“Sot rreth orës 17:00 kemi pranuar informatën se në fshatin Gllamnik të Podujevës, ka ndodhur një aksident trafiku me lëndime. Në këtë aksident, kanë qenë të përfshirë një biçiklist dhe një automjet në lëvizje. Si pasojë e aksidentit, lëndime trupore ka pësuar biçiklisti, i cili është dërguar për tretman mjekësor”, ka thënë Ahmeti
Ajo ka thënë se policia ka nisë një hetim për zbardhjen e rastit.
