Rreth 200 njerëz janë raportuar të vrarë brenda 24 orëve në luftën e Izraelit kundër Hamasit.
Zjarri i ashpër i tankeve izraelite dhe bombardimet ajrore goditën Khan Younis në Rripin e Gazës të premten mbrëma, thanë banorët.
Aeroplanët kryen gjithashtu një seri sulmesh ajrore në kampin Nuseirat në Gaza qendrore, sipas mjekëve dhe gazetarëve palestinezë.
Forcat izraelite kanë goditur Khan Younis në përgatitje për një përparim të mëtejshëm të parashikuar në qytetin kryesor jugor, raporton The Guardian,
Ministri izraelit i Mbrojtjes, Yoav Gallant, tha se trupat po arrinin në qendrat e komandës dhe depot e armëve të Hamasit.
Ushtria izraelite tha se kishte shkatërruar një kompleks tuneli në bodrumin e njërës prej shtëpive të liderit të Hamasit për Gazën, Yahya Sinwar, në qytetin e Gazës.
Autoritetet shëndetësore në Gazën e drejtuar nga Hamasi thanë se 187 palestinezë u konfirmuan të vrarë nga sulmet izraelite në periudhën 24-orëshe, duke e rritur numrin e përgjithshëm në 21 mijë e 507.
