Gjatë javës së kaluar një aksident trafiku i mori jetën tre të rinjve në Prizren.
Së fundmi aksidente të shumta rrugore ka pasur ku është bërë e ditur se shumica nga to janë për mosrespektim të shpejtësisë së lejuar.
Andaj, për parandalimin e këtyre aksidenteve po kërkohet një koordinim më i madh i institucioneve me njohës të kësaj fushe.
Ramadan Mazrekaj, profesor i komunikacionit thotë se bashkëpunimi duhet rritur për shkak të sigurisë së përgjithshme në trafik.
Ai flet edhe për mundësinë e vendosjes së radarëve statikë, ku thotë se e mirëpret një vendim të tillë dhe se shpreson se do të vendosen në vendet adekuate.
Se duhet bërë më shumë në këtë drejtim, e thotë edhe një doktor shkence i komunikacionit, Lavdim Hamiti.
Madje, ai tregon edhe arsyet që sipas tij, nuk po vendosen radarët statikë që thotë se janë të domosdoshëm për parandalimin e aksidenteve.
Së fundmi në Kuvendin e Kosovës është miratuar projektligji për rrugët, ku një ndër çështjet që trajtohen është auditimi i sigurisë rrugore që është kontroll i detajuar, sistematik dhe teknik i sigurisë së rrugës që nga fazat e para deri te lëshimi për qarkullim.
