Një person ka vdekur dhe një tjetër është i lënduar në një aksident që ka ndodhur mbrëmjen e së martës në fshatin Llapashticë të Podujevës, raporton teve1.info
Siç njofton policia, i lënduari është dërguar në QKUK për trajtim mjekësor, ndërsa trupi i pajetë i viktimës është në IML për obduksion.
“Raportohet për një aksident trafiku në mes dy automjeteve me ngasë meshkuj kosovarë. Përveç dëmeve materiale, lëndim vdekje-prurës ka pësuar viktima mashkull kosovar (njëri nga drejtuesit), ndërsa lëndime trupore të rënda ka pasur një pasagjer mashkull kosovar i cili është dërguar në QKUK. Me vendim të prokurorit trupi i pajetë i viktimës është dërguar në IML për obduksion, ndërsa ngasësi tjetër i dyshuari është arrestuar dhe dërguar në mbajtje”, thuhet në raportin e policisë.
