Profesori universitar, Dritëro Arifi, e quajti të vonuar ftesën e presidentes Vjosa Osmani për partitë opozitare rreth diskutimit të draftit të Asociacionit të Komunave me Shumicë serbe, raporton teve1.info
Arifi në emisionin “Këndi i Debatit” në Tëvë1, tha se opozita është dashtë të thirrët para se të dakordohet Kosova në Bruksel për draftin e Asociacionit, derisa ftesën e Osmanit e quajti në kohën e gabuar dhe me temë të gabuar.
“Ftesa e presidentes është në kohën e gabuar dhe temën e gabuar. Sepse procesi është mbyll. Çfarë rëndësie ka sot opozita nëse kryeministri e ka pranuar draftin. Ne këtë ende nuk e dimë. Kryeministri thotë që nuk e ka pranuar. Komentet kur dërgohen është një pjesë e madhe është aprovu aty ka nuanca të vogla por në parim ajo e ka pranu, sepse nuk kish avancu dialogu të paktën për palën kosovare. Opozita çka bënë unë nuk mund ta di arsyen pse nuk ka shku, Aleanca e ka pas një keqkuptim në komunikim dhe kohën kur është dashtë të takohen, LDK e ka bërë punën e vet si gjithmonë që është parti institucionaliste dhe korrekte, nganjëherë bëjnë gabime që nuk kanë kuptim, por është çështje e tyre. E kritikoj që ka shku në takim sepse nuk janë konsistent në atë çka e thonë, çka e bëjnë dhe çka e mendojnë por unë prape mendoj që presidentja nëse kish me qenë serioze, prandaj po e them që kronologjia është me rëndësi, është dashtë opozita me u thirr para se me ardhë qaj drafti. Cila është vija jonë e kuqe, ne nuk e dimë, prandaj është e kotë nganjëherë me thirr post-festum, pra kur është kry dasma është e kotë me i thirr dasmorët. Ata munden me ardhë me ta uru por është e kotë. Qeveria e ka prnau draftin sepse janë relaksuar raportet”, u shpreh Arifi.
