Kapiteni i kombëtares kroate dhe zëvendëskapiteni i Real Madridit është një nga 21 sportistët që kanë marrë mirënjohje në aktivitetin e përmendur. Fituesit e tjerë përfshijnë ekipin spanjoll të futbollit për meshkuj dhe femra, futbollistët Rodri, Antoine Griezmann dhe David Silva, basketbollistet e Realit, peshëngritësja Lydia Valentin, notarja Ona Carbonell, tenisti Feliciano Lopez dhe të tjerë.
Në artikullin për Modriçin, AS ka theksuar se ai është fituesi i Topit të Artë në vitin 2018, fituesi i pesë Ligave të Kampionëve dhe tre titujve në kampionatin spanjoll, pra një legjendë e futbollit me 23 tituj të fituar me Realin. AS e konsideron atë një nga yjet më të mëdhenj të ceremonisë së ndarjes së çmimeve të këtij viti.
“Si fillim do të doja të përgëzoj fituesit e tjerë. Është nder të jem këtu me kaq shumë sportistë të jashtëzakonshëm. Faleminderit AS për këtë çmim, është nder të marr mirënjohje nga një media kaq e rëndësishme. Unë jam mirënjohës për tifozët për gjithçka, por edhe për trajnerët dhe shokët e skuadrës me të cilët kam punuar. Liga e Kampionëve? Do të ishte fantastike ta fitonim përsëri. Por së pari kemi La Ligën dhe kupën përpara nesh, ndaj duhet të fokusohemi te ato”, tha Modric.
