Në një postim në Facebook, Nagavci është shprehur se dikasteri që ajo udhëheq do të përkrahin edhe promovojnë edukimin joformal e jashtëkurrikular në disa komuna të Kosovës.
“Do të përkrahim dhe promovojmë edukimin joformal, jashtëkurrikular në disa komuna të Kosovës e posaqërisht fuqizimin e “Qendrës së Edukimit Joformal për Rini”, në fshatin Pjetërshan. Do të sjellim praktika të përparuara në edukimin joformal. Përmes këtij bashkëpunim do të ofrojmë platformë dhe infrastrukturë fizike me kushte shumë të mira për zhvillimin e aktiviteteve për të rejat dhe të rinjtë e Republikës së Kosovës. Po ashtu do të inkurajojmë shfrytëzimin e “Qendrës për edukim joformal” në fshatin Pjetërshan te të gjitha institucionet shkollore për aktivitete të edukimit joformal, duke marrë parasysh se kjo qendër ka për qëllim edhe punësimin, aftësimin dhe ngritjen e kapaciteteve të të rinjve”, ka shkruar Nagavci.
Ministrja Nagavci ka shtuar se janë të përkushtuar që ta fuqizojnë rininë e Kosovës në çdo aspekt. /Teve1.info/
