Deputetja Mimoza Kusari-Lila, ka reaguar për aksidentin tragjik që la të vdekur tre persona mbrëmë në autostradën “Ibrahim Rugova”.
Kusari-Lila tha se tri vdekje të shkaktuara nga papërgjegjësia dhe veprimi i jashtëligjshëm në trafik mbrëmë, thërrasin për veprime të menjëhershme dhe masa të ashpra nga organet kompetente.
“Lordi Syla, Molos Delija dhe Nue Bibaj janë viktimat e fundit të aksidentit tragjik mbrëmë në autostradën “Ibrahim Rugova”. Ata humbën jetën nga papërgjegjësia e tjerëve deri sa kishin dalë të shikonin garat me vetura të cilat jashtë ligjit ishin organizuar në autostradë”, reagoi deputetja në Facebook.
Sipas saj, organizime dhe veprime të ngjashme, duhet rreptësisht të ndalohen dhe të ketë masa të ashpra ndaj tyre.
“Ngushëllime familjeve Syla, Bibaj dhe Delija dhe gjithë miqve të djemve të ndjerë!”.
Policia e Kosovës ka bërë të ditur se tre personat që vdiqën ishin shikues të një gare mes veturave, ku për pasojë njëra nga to ka humbur kontrollin dhe ka devijuar rrugën, ku për pasojë lëndoi edhe tre persona të tjerë./teve1.info/
