Pak ditë pas shkëputi kontratën me Golden Eagle Yllin, basketbollisti kroat Henrik Shirko ka firmosur kontratë me skuadrën e Sigal Prishtinës. Shirko është prezantuar të martën te Prishtina, ekip me të cilin ka nënshkruar kontratë deri në fund të këtij edicioni.
Klubi nga kryeqyteti nuk ka dhënë shumë detaje në lidhje me angazhimin e Shirkos, të cilit vetëm i ka dëshiruar mirëseardhje.
Shirko e njeh mirë Superligën e Kosovës, në të cilën ka disa vite që luan.
Ai në dy edicionet e fundit ishte pjesë e Yllit dhe me këtë skuadër ka fituar titullin e kampionit. Po ashtu, Shirko ka luajtur edhe për Pejën dhe me këtë skuadër ka triumfuar në Kupën e Kosovës. Këtë edicion, Shirko ka pasur një mesatare prej 12 pikëve, 5 kërcimeve dhe katër asistimeve për ndeshje te Ylli. Ai te Prishtina do ta bartë fanellën me numrin 31.