Ministri i Infrastrukturës, Liburn Aliu, ministrja e Ekonomisë, Artane Rizvanoll dhe kryeshefi ekzekutiv i “INFRAKOS” Naser Krasniqi kanë nënshkruar marrëveshjen kornizë për financimin e infrastrukturës hekurudhore për vitet 2023-2027.
Kështu bëri të ditur ministri Aliu në Facebook, derisa tha se kjo marrëveshje parasheh zotimin për investimin e mëtutjeshëm në Infrastrukturën Hekurudhore të Kosovës.
“Kjo marrëveshje parasheh zotimin tonë për investimin e mëtutjeshëm në Infrastrukturën Hekurudhore të Kosovës, përfshirë rritjen e sigurisë së shërbimit të transportit hekurudhor, avancimin dhe modernizimin, sigurimin e stabilitetit financiar të ndërmarrjes si dhe ruajtjen e kuadrove profesionale”, tha Aliu/teve1.info./