Kryetari i Prishtinës, Përparim Rama, thotë se 12 mijë konsumatorë të rinj do të kyçen në Termokos.
Rama thotë se kjo tash do të mundësohet fal projektit me vlerë prej 80.5 milionë eurove.
“Qytetarët do të ngrohen nga energjia termike prej 50 MW, e siguruar nga panelet solare të vendosura në një hapësirë prej 69 mijë metrash katrorë, në kuadër të projektit “Solar 4 Kosovo”. Investim i cili do të mundësojë integrimin e sistemit të burimeve të ripërtritshme në zonat e reja në Prishtinë, po ashtu do të sigurojë ngrohje të qëndrueshme dhe të përballueshme për qytetarët për të përmirësuar cilësinë e ajrit në kryeqytet”, ka shkruar Rama në Facebook.
Ai tha se projekti me vlerë 80.5 milionë eurove do të realizohet fal ndihmës së Qeverisë Gjermane dhe kredive të buta nga KFW, WBIF, BERZH dhe investimit vendor prej 4.4 milion eurove.
Kjo marrëveshje u nënshkrua sot mes ministrit të Financave Hekuran Murati dhe kryeshefit Ekzektutiv të “Termokos”, Fisnik Osmani./teve1.info/
