Dy shtetas të huaj janë ndaluar nga Policia e Kosovës, pasi që të njëjtit me veturë kanë kaluar ilegalisht kufirin nga Serbia për në Kosovë.
Policia ka bërë të ditur se rasti ka ndodhur mbrëmë në Rudinë te Zveçanit.
Ndërkohë, me vendim të prokurorit, pas intervistimit të dyshuarit janë liruar dhe rasti ka shkuar në procedurë të rregullt.
“Rudine, Zveçan / 09.12.2023 – 11:00. Janë ndaluar dy të dyshuar meshkuj shtetas të huaj, pasi që me veturë kanë kaluar kufirin ilegalisht nga Serbia për në Republikën e Kosovës. Me vendim të prokurorit, pas intervistimit të dyshuarit janë liruar dhe rasti shkon në procedurë të rregullt”, thuhet në raportin ditor të PK-së./teve1.info/
