Dy persona janë arrestuar nga Policia e Kosovës, nën dyshimin që të njëjtit në bashkëpunim kanë bërë shpëlarje të parave dhe kanë keqpërdorur pozitën.
Polica ka bërë të ditur se njëri nga të dyshuarit është zyrtar i Administratës Tatimore të Kosovës (ATK).
Në raportin ditor thuhet se që nga vitit 2019-2023, vlera e parave që dyshohet se janë shpërlarë përmes bizneseve fiktive është mbi 1 milion euro.
Ndërkohë, me vendim të prokurorit, pas intervistimit të dyshuarit janë liruar në procedurë të rregullt.
Derisa, është bërë e ditur se rasti duke u hetuar.
“SHPËRLARJE E PARAVE & KEQPËRDORIM I POZITËS APO AUTORITETIT – Mitrovicë 2019-2023. Janë arrestuar dy të dyshuar meshkuj kosovarë (njëri zyrtar i ATK-së), të cilët dyshohen që në bashkëpunim kanë kryer veprat në fjalë. Vlera e parave të cilat dyshohet që janë shpërlarë përmes bizneseve fiktive është mbi 1, 000.000 (një milion) €. Me vendim të prokurorit, pas intervistimit të dyshuarit janë liruar në procedurë të rregullt. Rasti duke u hetuar”, thuhet në raportin 24-orësh./teve1.info/
