Për krimet e luftës në Kosovë, Prokuroria Speciale ka ngritur 33 aktakuza kundër 89 personave.
Kështu bënë të ditur përfaqësuesit e Prokurorisë të premten, përmes një konferencë për media.
Sipas tyre, të gjithë këto aktakuza janë kundër krimeve të luftës dhe të gjithë të akuzuarit janë serbë.
Prokurorja Drita Hajdari jep detaje për masakrën e Mejës, e cila për të është më e madhja dhe më tragjikja.
Ajo ka treguar se aktakuzat janë të strukturuara në tri pjesë.
Ndërsa prokurori Ilir Morina foli për masakrën e Burgut të Dubravës.
Sipas Morinës, hetimi për këtë masakër po vazhdon qe një kohë të gjatë dhe një i pandehur është në paraburgim.
E kryeprokurori i Prokurorisë Speciale, Blerim Isufaj thotë se prokurorët po vazhdojnë punën me përkushtim pavarësisht vështirësive.
Sipas Isufajt, sfidë është sigurimi i provave dhe dëshmive.
Sipas tyre, Prokuroria Speciale do të vazhdoje t’i trajtojë me prioritet ndjekjen e rasteve që kanë të bëjnë me krime lufte në vend.
