Një pjesë e qytetarëve serbë zyrtarisht kanë dorëzuar kërkesën për shkarkimin e kryetarit të Komunës së Mitrovicës së Veriut, Erden Atiq.
Kërkesa e tyre është pranuar nga kryesuesi i Kuvendit Komunal të Mitrovicës së Veriut, Nexhat Ugljani.
Për Tëvë1 ai ka treguar arsyet pse është pranuar kjo kërkesë e tyre.
“Kërkesa e tyre është pranuar, pasi është bërë sipas udhëzimit administrativ. Ata janë lajmëru, e kanë shkruar kryesuesit të Kuvendit Komunal. Unë kam pesë ditë afat dhe ndoshta edhe e refuzoj këtë lloj kërkese, pasi në të shkruan se nuk janë të kënaqur me shërbimet nga ana e komunës. Nuk kanë dashur ta largojnë atë pjesë. Unë kam pesë ditë kohë, dhe ka gjasa ta refuzojë sërish, me mënyrën se si është”, tha Ugljani.
Por, një gjë e tillë ende nuk është bërë në atë të Zveçanit.
Kështu të paktën thotë i pari i kësaj komune, Ilir Peci.
Se kërkesë të tillë zyrtare nuk ka pasur as për dy komunat tjera: Leposaviq dhe Zubin Potok tregon ministri i Administrimit të Pushtetit Lokal, Elbert Krasniqi.
Në reagimin e tij ai po i shpalos edhe procedurat ligjore se si mund të dërgohen katër komunat e veriut të banuara me shumicë serbe në zgjedhje të jashtëzakonshme për kryetarët e rinj.
Kronikë e realizuar nga gazetari, Arton Rama.
