Brenda tri vjetësh, çdo cep i kryeqytetit do të jetë nën monitorim të kamerave.
Komuna e Prishtinës, në bashkëpunim me Policinë e Kosovës, kanë hartuar planin për vendosjen e kamerave që mundësojnë siguri në hapësira publike.
Me kosto prej më shumë se 1 milionë e 300 mijë euro, është planifikuar të mbulohet ky project, i cili ka tri faza implementimi.
Por këto nuk janë mjetet e vetme që kryeqyteti ka në plan të destinoj për kamera të sigurisë.
Për rritjen e tyre do të shpenzohen edhe para të tjera.
Vendosja e kamerave po mirëpritet nga qytetarët, duke e parë si gjë të domosdoshme për sigurinë e tyre.
Monitorimi i kryeqytetit nga kamerat, vlerësohet se do të ketë ndikim edhe në punën e organeve të rendit.
Ky projekt, është në fazën e përzgjedhjes së operatorit ekonomik, për kryerje të furnizimit dhe shërbimit.
